CTC-ისა და CENN-ის (კავკასიის გარემოსდაცვითი არასამთავრობო ორგანიზაციების ქსელის) თანამშრომლობით, CENN-ის ბულაჩაურის ”მწვანე ცენტრში” პროექტის ციკლის მართვის 5-დღიანი ტრენინგი ჩატარდა. ტრენინგი მიმდინარეობდა 24-28 იანვარს. მასში ზემო სვანეთის წარმომადგენლები ჩაერთნენ ორგანიზაციებიდან ”ნენსკრა” (ჭუბერი); ”სვანური კოშკების ისტორიულ მფლობელთა მემკვიდრეების ასოციაცია” (ბეჩო, ეწერი, მესტია); ”CTC ახალგაზრდული კლუბი” (მესტია). მათ გარდა ტრენინგში მონაწილეობდნენ არასამთავრობო ორგანიზაციების წარმომადგენლები ქვემო ქართლიდან, მცხეთა-მთიანეთიდან, აჭარიდან, თბილისიდან და კახეთიდან.
ტრენინგის მონაწილეები გაეცნენ პროექტის მართვის თეორიულ საფუძვლებს, შეასრულეს პრაქტიკული ჯგუფური სამუშაოები და პრეზენტაციები.
გაეცნენ სხვადასხვა რეგიონის გამოცდილებას ეკოლოგიური და სამოქალაქო პროექტების კეთების საქმეში.
დაიგეგმა შემდეგი შეხვედრა.
